Differenza ċara bejn il-proposti fuq il-liġi tas-suċċessjoni tal-PL u l-ħadma tal-Partit Nazzjonalista Matul il-podcast ‘Isma Dean’, il-Prim Ministru u Mexxej Laburista Robert Abela wera d-differenza ċara li teżisti bejn il-proposti fuq il-liġi tas-suċċessjoni mressqa mill-Partit Laburista u dawk li ħareġ bihom il-Partit Nazzjonalista. Dan hekk kif il-proposti tal-Partit Laburista jnaqqsu l-piż minn fuq l-ulied, mentri dik tal-Partit Nazzjonalista tikkrea piżijiet ġodda u bla bżonn. Illum, meta l-ġenituri jiġu neqsin, l-ulied ma jħallsux taxxa fuq ir-residenza ordinarja li jirtu mingħandhom. Imma huma bosta dawk il-familji li jkunu investew li faddlu f’proprjetà oħra barra r-residenza ordinarja. Dr Abela qal li jekk ikun elett Gvern Laburista, l-ulied li jirtu proprjetà li ssir ir-residenza ordinarja tagħhom, anki jekk din ma kinitx ir-residenza tal-persuna mejta, se jiġu eżentati milli jħallsu t-taxxa tal-boll fuq is-suċċessjoni.