“MAGĦNA TAFU FEJN QEGĦDIN” – ALEX MUSCAT WAQT L-ATTIVITÀ POLITIKA TAL-PL FIS-SIĠĠIEWI “Magħna tafu fejn qegħdin, ma’ Robert Abela tafu fejn qegħdin”. Dan intqal mid-deputat u kandidat Laburista Alex Muscat waqt li kien qed jindirizza attività politika mtella’ mill-Partit Laburista fis-Siġġiewi, b’rabta mal-kampanja elettorali bit-temà ‘Int Malta – il-Ħolma Tiegħek. Il-Proġett Tagħna’. Huwa qal bil-kuntrarju tal-Partit Nazzjonalista, li pronti kienu d-deputati tiegħu li daħqu bis-settur tal-kaċċa u l-insib, il-Partit Laburista dejjem kien favur it-tradizzjonijiet Maltin. Muscat għamel referenza wkoll għall-inkonsistenza li hemm fi ħdan il-Partit Nazzjonalista speċjalment meta l-ġurnalisti staqsew fuq is-sussidji tal-enerġija. Huwa qal li taħwid bħal dan, huwa raġuni valida għaliex ma nistgħux navdaw lill-PN bil-kontijiet tal-enerġija. Huwa temm id-diskors tiegħu billi jgħid li minkejja li l-PN wasal għall-ħames kap tiegħu, is-sustanza negattiva fi ħdanu baqa’ l-istess, anke jekk skont Alex Borg huwa “nifs ġdid”.